دايرة الرحلة
180 EGP
لكل واحد فينا مفتاح، جايز يعيش طول عمره بيدور عليه، وفي الآخر يلاقيه في إيد غيره، سواء حد بيحبه،
أو أم وأب بيخافوا عليه، أو صديق طلع بيه من الدنيا، أو حتى شعلة شغف لقاها في مكان ماكنش عمره يحلم بيه،
المفتاح ده أمانة لازم تعيش طول عمرك بتحافظ عليه عشان تعرف تكمل بنفس الابتسامة اللي اترسمت على وشك وقت ما لاقيته.
Description
دايرة الرحلة – دراما اجتماعية من قلب كل بيت – كتبتها لنا سارة الذهبي من الكتابات الحرة
كتير مننا بيسألوا إمتى وفين وإزاي بقينا بُعاد عن بعض للدرجة دي؟
ليه هانت العِشرة وليه نسينا المعروف؟
يا ترى الحياة مشاغل فعلًا؟ ولا إحنا اللي بندور على أسباب؟
ويا ترى إحنا قولنا كل اللي نفسنا فيه ولا سكتنا وفات الأوان؟
كلها أسئلة بتشغل بالنا من وقت للتاني وبتخلينا نحس بالتقصير تجاه نفسنا وعشان كده الحقيقة الثابتة اللي لازم نفهمها كويس هي إن الحياة ماتنفعش بدون مشاعر، بدون إحساس بغيرك قبل إحساسك بنفسك، الحياة ماتنفعش بدون ونس، بدون فضفضة، بدون لين ورحمة وطيب خاطر وحُسن نية، بدون تضحيات وتغافل ومحاولات إنقاذ ما يمكن إنقاذه.
دايرة الرحلة هيمشي معاك في 3 حكايات..
كل حكاية فيهم بتمثل جزء من حكايتك إنت، بدايةً من احتياجك للأمان والسلام النفسي، مرورًا بميزان الدنيا من حواليك ومحاولة فهم الناس والحياة بشكلها الجديد، ووصولًا إلى علاقتك مع حبايبك ومع الناس اللي بينك وبينهم وِد ورحمة قبل الحُب بكتير..
هُنا انت اللي هتكتب وهتقرأ وهتفتكر وتعيش لحظات أكيد نسيتها من زمان، بس الهدف هيكون النجاة وسط زحمة الدنيا الحالية واللي جاية كمان وكمان..
الكتاب ده لكل شخص حاسس إنه وحيد، حاسس إن عمره ما هيتخطى الألم، وإن عمره ما هيمشي خطوة لقدام، الكتاب ده لكل شخص فاكر إنه يائس وإن الحياة هتقف لحد مشكلته، لكل شخص عايش على الماضي ومش عارف يبص حواليه، الكتاب ده تذكرة للوصول لبر الآمان في حياة مليانة موج ودوامات.. اقرأ وفضفض وخد قرارك في النهاية.
Additional information
| عدد الصفحات | 208 صفحة |
|---|
